28 May – Müstəqillik Günündə, Prezident İlham Əliyev qədim və doğma Laçında çıxış edərək bir daha tarix yazdı. Bu çıxış təkcə siyasi bəyanat deyil, bir millətin azadlıq və haqq yolunda göstərdiyi iradənin təntənəsi idi.

İllər öncə işğal altında qalan torpaqlarımız bu gün öz azad nəfəsini alır. Prezidentin Laçında səsləndirdiyi fikirlər yalnız dövlət başçısının sözləri deyil, eyni zamanda hər bir azərbaycanlının ürəyində yanan Vətən sevgisinin əks-sədası idi.

Prezident İlham Əliyev çıxışında qeyd etdi ki, Laçın şəhəri və Laçın dəhlizi artıq Azərbaycanın tam nəzarətindədir və bu, böyük Qələbənin məntiqi davamıdır. Bu sözlər təkcə Laçında deyil, bütün ölkədə gur alqışlarla qarşılandı. Çünki bu qələbənin arxasında şəhidlərimizin qanı, xalqımızın birliyi və dövlətimizin gücü dayanır.

28 May gününü biz təkcə Müstəqillik Gününü deyil, həm də milli qürurumuzu, torpağa bağlılığımızı, əyilməyən ruhumuzu qeyd edirik.

Laçın azaddır.

Qarabağ Azərbaycandır.

Sahib Aslanov,

         Hacıqabul rayon Ağsaqqallar Şurasının sədri,

         YAP Hacıqabul rayon təşkilatının veteranı